NEWYDDION

A ydych yn fudiad treftadaeth yng Nghymru? A oes arnoch angen cymorth neu gyngor ar godi arian?

 P’un ai ydych yn newydd i godi arian neu angen ambell i syniad newydd i adfywio strategaeth eich mudiad yna gall prosiect WCVA, Catalydd Cymru- Codi Arian ar gyfer Treftadaeth, gynnig cymorth am ddim i ddatblygu’ch sgiliau a’ch llwyddiant codi arian.

Ar gyfer pwy mae Catalydd Cymru – Codi Arian ar gyfer Treftadaeth?

Mae Catalydd Cymru – Codi Arian ar gyfer Treftadaeth yn agored i bob aelod o staff, gwirfoddolwr ac ymddiriedolwr yn y sector treftadaeth yng Nghymru gan gynnwys:

• Amgylchedd hanesyddol
• Treftadaeth tirwedd a naturiol (gerddi hanesyddol, bywyd gwyllt, coetir)
• Diwydiannol, morol a thrafnidiaeth
• Amgueddfeydd, llyfrgelloedd ac archifau
• Treftadaeth anniriaethol (megis cadwraeth atgofion, neu brosiectau hanes llafar)

Beth sy’n cael ei gynnig?  

• Hyfforddiant, gweithdai a digwyddiadau rhwydweithio AM DDIM ar godi arian wedi’u teilwra i fudiadau treftadaeth*
• Syniadau codi arian ysbrydoledig
• Cyngor ar ffyrdd o godi arian
• Gwybodaeth a chyngor ar godi arian
• Astudiaethau achos ysbrydoledig o fudiadau yng Nghymru sydd wedi cael llwyddiant wrth godi arian
• Parth Dysgu Treftadaeth
• Adnodd Chwilio am Gyllid

Mae’r hyfforddiant a’r cyngor wedi’u hanelu at fudiadau o bob gallu a phrofiad, byddant yn cael eu darparu ledled Cymru a’u cynnal mewn lleoliadau ac ar amseroedd addas i chi.

*Bydd rhai cyrsiau hyfforddi yn codi ffi weinyddol o £20. Gweler y dudalen hyfforddiant a digwyddiadau i gael mwy o wybodaeth.

Am rhagor o wybodaeth ewch i’r safle we Catalydd Cymru