DIGWYDDIADAU

Rhwng 1914 a 1918, bu bron i 273,000 o ddynion o Gymru yn gwasanaethu gyda’r fyddin, y llynges a’r awyrlu. Lladdwyd tua 40,000.
Nid y colledion enbyd hyn oedd unig gyfraniad ein cenedl i’r rhyfel. Bu degau ar filoedd o ddynion a menywod yn gweithio mewn diwydiannau a oedd yn cynhyrchu glo, dur, metel ac arfau i’r ymdrech ryfel hefyd.
Parhaodd cymylau’r rhyfel am flynyddoedd lawer wedi iddo orffen. Mae’r arddangosfa hon yn trafod sut aeth cwmnïau ati i gofio am wasanaeth ac aberth eu gweithwyr ar faes y gad, a sut y cafodd diwydiannau Cymru eu siapio gan y Rhyfel Byd Cyntaf.